پڕۆژەی هەواری شار

picturepicture

پڕۆژەی هەواری شار

پڕۆژەی هەواری شار بەهاری داهاتوو ژمارەیەكی زۆر گەشتیاران ڕوو دەكەنە ناوچەكە. پرۆژەی هەواری شار سەوزایی لە قۆناغی كۆتایدایە پڕۆژەی هەواری شار بریتییە لە دروست كردنی پاركێكی گەورە لە شاری سلێمانی، یەكێكە لە پڕۆژە ستراتیژییەكانی سەرۆكایەتی شارەوانی سلێمانی، لەسەر ڕووبەری نزیكەی (4000 )چوار هەزار دۆنم زەوی دروست دەكرێت، دەكەوێتە باكوری ڕۆژئاوای شاری سلێمانی تەنیشت گوندی كەڵەكن، بەسەر شەقامی سەرەكی سلێمانی-قەیوان، و لە بەشی سەرووییەوە شاخی ئەزمەڕ سنورییەتی كە پێكهاتەیەكی جوگرافی جوانی هەیە، دوورییەكەی لە سەنتەری شارەوە نزیكەی 10كم دەبێت و بە شەقامێكی سەرەكی فراوان كە پانیەكەی 110 مەترە بە درێژی 3 كم دەبەسترێتەوە بە شەقامی بازنەیی مەلیك مەحمود. ڕاگەیاندنی بەڕێوەبەراییەتی گەشت و گوزاری سلێمانی لە نزیكەوە سەردانی پرۆژەكەی كرد و و لەگەڵ سەرپەرشتیاری پڕۆژەكە دواو چەند پرسیارێكی ئاڕاستەی ئەندازیار (ڕێبین جەمیل محەمەد) كرد كە بەڕێوەبەری پڕۆژەی هەواری شار و سەرپەرشتیاری هەموو پڕۆژەكەیە پرسيار: ئامانجتان لە دروسكردنی پرۆژەكە چی بوو؟ وەڵام: ئامانج لە دروستكردنی ئەم پاركە بریتییە لە زیادكردنی ڕێژەی ڕووبەری سەوزایی لە شاری سلێمانی كە بە تەواو بوونی ڕێژەكەی دوو بەرامبەر زیاد دەكات، پرسیار: ئەم پرۆژەیە لە 2004 ەوە بەردی بناغەی بۆ دانراوە، هۆكاری دوا كەوتنەكەی چییە؟ وەڵام: گەورەیی پرۆژەكە وای كردووە كە لە یەك قۆناغدا جێبەجێ‌ نەكرێت و بە چەند قۆناغێكدا تێدەپەڕێت، ئێمە لە كاتی دروست كردنی پڕۆژەكەدا تووشی چەند كێشەیەكی زەوی و زار و وەستان و چەند جارێك فراوانكردن بووین سەرەتا 2500 دۆنم بوو دواتر بوو بە 3000 دۆنم و لە پاشدا 4000 دۆنم ئەم فراوانبوونەش بێگومان كاری یاسایی و قەرەبووی خاوەن موڵكەكەكانی دەوێت، جگە لەوەش لە ناوەڕاستی 2006 دا بوجەی پڕۆژەكە كەم بۆوە كە ئەم هۆكارانە بووە هۆی دواكەوتنی پڕۆژەكە. جگە لەو هۆكارانە ئەو كۆمپانیایەی كە دیزاینی پرۆژەكەی دەكرد تەنها چەند نەخشەیەكی سەرەتایی و ناو زۆنەكان و كارەبا و ئاو و سیستمی ئاودێری و تەواو نەكردبوو گرێبەستەكەی هەڵوەشاییەوە، بەڵام لە 2006دا دەستمان پێكردەوە بوجەی باشی بۆ تەرخان كراوەو ئێستا كارەكانی لە جێبەجێكردندایە. پرسیار:ئایا ئەم پڕۆژەیە لە ڕووی پانتاییەوە فراوانتر دەكرێت؟ وەڵام: وەكو پرۆژە بڕیار وابوو كە 6000 شەش هەزار دۆنمی تری بچێتە سەر بۆ كۆكردنەوەی ئاژەڵا و باڵندە و دارستان لە سروشت دروست بكرێت، بەڵام بە هۆی زیادە ڕەووی خانوو و باخی زیادەڕۆو بوونی چەند گوندێك ڕێگربووە لەو فراوانكردنە، بۆیە ئێمە توانیمان تا گوندی مەلا داود فراوانی بكەین و لەوە زیاتر فراوان ناكرێت. پرسیار: ئامانجتان لە هەڵبژاردنی ئەم شوێنە چی بوو؟ وەڵام: ئەم شوێنە ناوی دۆڵە ڕووتە سەوزایی و بوژانەوەی تیا نەبووە، كارێكی قورسە ئێمە نەچووین لە غاباتێكدا ئیش بكەین ، گڵا و پەین و ئەو نەمامانە بهێنین كە كەمترین ئاوی ئەوێ‌ حسابی بۆ كراوە. پرسیار: ژمارەی ئەو ئەندازیارانەی كە لەم پرۆژە كار ئەكەن؟ وەڵام: 12 ئەندازیار لە بوارەكانی كارەبا- میكانیك- شارستانی- ئاودێری- تەلارسازی- كاردەكەن، جگە لەوەش ژمارەییەك ڕووپیًومان هەیەو 12-15 ئەندازیاری كشتوكاڵا و لەگەڵا چەندین كەسی تری تەكنیكی. پرسیار: مەودایی پرۆژەكە چەندی سەوزاییەو چەندی خزمەتگوزاری ئەبێ ؟ وەڵام: پرۆژەكە 4000 چوار هەزار دۆنمە، 350 دۆنمی بۆ خزمەتگوزاریی دانراوەو باقی تری بۆ سەوزایی دانراوە. پرسیار: كەی پرۆژەكە تەواو ئەبێت؟ وەڵام: سەوزایی لە قۆناغی كۆتایدایە، ڕاكێشانی ئاو و كارەبا و دروستكردنی شەقامەكان تەواو بێت ئینجا وەبەرهێنی تیا ئەكرێت، چونكە تا ئەوانە تەواو نەبن وەبەرهێن نایەت پارەكانی سەرف بكات، ئێمە بانگەوازمان بۆ زەوییەكانی وەبەرهێنان كردووە وەكو ئوتێل و مۆتێل و كافتریا و ڕیستۆرانت و شاری یاری و باخچەی ئاژەڵا ، ئێستا لە قۆناغی سەوز كردن و قۆناغی ڕاكێشانی خزمەتگوزارییەكان تەواو بووە، لە ئەمساڵدا تەواو دەبێت، بۆ بەهاری داهاتوو بە ڕووی هاووڵاتیاندا دەكرێتەوە. پرسیار: مەرجی چوونە ژوورەوەی هاوڵاتیان چییە؟ وەڵام: هاتنە ژوورەوەی هاوڵاتیان بە خۆڕاییە، بەڵام بۆ ئەو شوێنانەی كە لە ناو پرۆژەكەدان بە پارە دەبێت. پرسیار: چ تازەگەرییەك لەم پرۆژەیە كراوە كە لەوانی تردا نییە؟ وەڵام: گەورەیی پرۆژەكە بۆ خۆی تازەگەرییە، دابەشكردنی ناو پرۆژەكە كە بە چەند لایەكەوە دەتوانی بۆی بێیت، بونی چەند ڕیستۆرانتێك لەوانەیە جیاواز بێت كە جۆرەكانی صینی-ایتالی-توركی-ئیرانی...تێدایە، وەبەرهێن هاتووە بۆی هەروەها چەند چالاكییەكی تیا بێت لە شوێنەكانی تردا نەبێت بۆ نمونە: هۆڵی داخراو و مەلەوانگەی داخراو بە ستاندارتی جیهانی كرابێت،هەروەها ئوتێل و شاری یاری و باخچەی ئاژەڵ و چەندین ڕیستۆرانت وز كافی و هۆڵی یاری و دوگۆڵی و تێنس و باسكە و بالە و چەندین شوێنی یاری مناڵان، هەروەها دروتكردنی مەسرەحی ڕۆمانی كە جێی 6000 كەس بگرێت، لەبەر ئەوەی سلێمانی پایتەختی ڕۆشنبیرییە نزیكەی 250 هەزار مەترمان داناوە بۆ بواری ڕۆشنبیری و كەلتووری و ئەو چالاكییانەی كە پەیوەستە بە شاری ڕۆشنبیرییەوە ، هەروەها دروستكردنی باخچەی ڕووەكی كە زۆر لە ووڵاتانی جیهاندا هەیە و یەكەم باخچەیە لەم ناوچەیەدا دروست دەكرێت، هەروەها بۆ خوێندكارانی زانكۆ و پەیمانگاكان لە بواری ئاودێری و كشتوكاڵ یدەبێتە سەرچاوەییەكی گرنگ بۆ توێژینەوە. لە دوای تەواو بوونی پێشبینی دەكرێت كە ژمارەییەكی زۆر گەشتیاران ڕوو بكەنە ناوچەكە. ڕاگەیاندنی گەشت و گوزاری سلێمانی ‬ .

نووسینی
دلشاد احمد .

.